✿ Shukar Guzaar

✿ Hamesha Allah Kay Shukar Guzaar Raho Agar Aik Nigah Tumhain Haqarat Say Dikhay Tu Mat Bholo Keh So Nigahain Tum Par Rashk Bhi Karti Hain

✿ Jhoot

✿ Jo Jitna Acha Jhoot Bolta Hai Yeh Dunya Isi Ki Hoti Hai Lakin Phir Is Ki Aakhirat Nahin Hoti

✿ Jahaiz

  Kisi Ghareeb Ki Beti Say Jhaiz lenay Say Behtar Hai Keh 

                                 ✿Kisi Ameer Say Bheek Maang Lo

✿ Daana Aadmi

✿ Daana Aadmi Kabhi Bhi Kisi Bhi Halat Main Allah Kay Siwa kisi Ko Apna Hajat rawa Khyaal Nahin Karta Chahay Woh Ba Murad Ho Ya Bay Murad .Iski Peshani Sirf Aor Sirf Malik Haqiqi Ki Chokhat Par Sijdah Raiz Rehti Hai.Agar Dua Qabool Bhi Nahin Hoti Tu Bhi Allah Say Na Umeed Nahi n Hota Balkeh Apni Khami Say Aagah Ho Kar Phir Dast e Dua Buland Karta Hai.

✿ Gharor

✿ Do Tarah Ki Chezain Dikhnay Main Choti Nazar Aati Hain 

Aik Door Say 

Dosra Gharor Say

✿ Bebasi Ka Ilaaj

✿ Bebas Insaan Ka Sajdah Hi Bebasi Ka Ilaaj Hai

✿ Mutadil Raah

✿ Imam Shafi R.A ka Aik Hakimana Qual ✿

Logon Kay Sath Tursh Rooi Say Pesh Aana Logon Ko Dushman Bna leta Hai Aor Bohat Ziyada Khanda Peshani Buray Hum Nashinon Ki Hosla Afzaai Karti Hai ,Lehaza Tursh Rooi Aor Bohat Khanda Peshani Kay Darmiyaan Mutadil Raah Akhtyaar Karo.

✿ Apnay Hissa Ka Chiragh

✿ Hamain Woh Sooraj Honay Ka Dawa Nahin Jis Say Har Tareeki Khatam Ho ......

   Hum Tu Apnay Hissay Ka Chiragh Jala Rahay Hain Keh Andhairi Raat Main Chiragh Ki Roshni Bhi Ghaneemat Hai.

✿ Daaimi Muhabbat

✿ Daaimi Muhabbat Sirf Aik Hoti Hai , Aisi Muhabbat Jisay Kabhi Zawaal Nahin Aata Aor Woh Muhabbat Sirf Aor Sirf Allah Ki Muhabbat Hai ,Dosri Har Muhabbat Ki Aik Muddat Hoti Hai Pehlay Iski Shidat Main Kami Ati Hai Phir Woh Khtam Ho Jatai Hai

✿ Waqt Kay Sath Sath

✿ Waqt Kay Sath Sath Bohat Kuch Badal Jata Hai 

Loog Bhi,Rishtay Bhi , Aor Kabhi Kabhi Hum Khud Bhi

✿ Masrooof Insaan

✿ Insaan Is Dunya Main Itna Masrrof Hota Hai Keh Us ko Pata Hi Nahin 

Chalta kehUs Ka Kafan ka Kapra Bazaar Main Biknay Kay Liye A gya Hai

✿ Tars

                ✿ Loog Toot Jatay Hain Aik Ghar Bananay Main

                             

                    ✿Tum Tarasa Nahin Khatay Bastiyan Jalanay Main

✿ Tobah Ki Tofeeq

✿ Maafi Aor Tobah Ki Tofeeq Bhi Muqadar Walon Ko Naseeb Hoti Hai Warna Aankhon Par Lohay Kay Parday Aor Kanon Main Seesa Pighla Diya Jata hai Ansaan kay Sochnay Samjhnay Ki Har Salahiyet Salb Kar Li Jati Hai

✿ Haram Say Parhaiz

✿ Hazrat Abdullah Bin Umar Razi Allah Anhu

Agar Tu Itni Namzain Parhay Keh Teri Peeth Dohri Ho Jai Aor Itnay Rozay Rakhy Keh Tu Baal Ki Tarah Bareek Ho Jai In Cheezon Ka Us Wqat Tak  Koi Faida Nahin Jab Tak Tu Haram Say Parhaiz Nahin Karay Ga

✿ Dunya Ka Sab Say Khubsorat Poda

✿ Dunya Ka Sab Say Khubsorat Poda Muhabat (Sharee)  ka Hota Hai Jo Zameen Par Nahin Dilon Main Ugta Hai

✿ Zindagi Rangeen Khyalaat

✿ Zindagi Thujh Par Bohat Ghor Kiya Main Nay 

Tu Rangeen Khayaalat Kay Siwa Kuch Nahin

✿ Apnay Say Ghareeb Ko dekh Kar Shukar Karna

✿ Agar Insaan Apnay Say Ameer Ko Dekh Kar Shikwah Karnay Kay Bajai Apnay Say Ghareeb Ko Dekh Kar 

Shukar Karnay Lag Jai Tu Is Ki Pareshaniyan Hal Honay Lag Jain ✿

✿ Jo Naseehat Maan Lay

✿ Jo Shakhs Naseehat Maan Lay Woh Baaz Aoqaat Naseehat 

Karnay Walay Say Bhi Bara Hota Hai

✿ Hamara Aor Rahman Kay Arsh Ka Fasla

✿ Hazrat Imam Ahmad Bin Hambal Rahmatullah se Pocha Gya .....Hamara Aor Rahman Kay Arsh Ka Fasla Kitna Ho Ga.....??

Farmaya.....

Aik Aawaaz Denay Ka Jo Sachay Dil Say Nikli Ho ✿

✿ Eid Aor Us Ki Khushyan

✿ Hazrat Umar Razi Allah Anhu Apnay Dor e Khilafat 

Main Eid Par Yeh Farmatay Thay keh 

Eid Aor Us Ki Khushyan Tu Un Logon Kay Liye Hain Jin Ki Ibadaat Aor Rozay Allah Qabool Farma Leta Hai ✿

✿ Badgumani Aor Badzubani

✿ Acha Sochye Aor Acha Bolye Kyun Keh  Badgumani Aor Badzubani Do Aisay Eiab Hain Jo Insaan Kay Har Kamaal Ko Zwaal Main Badal Detay Hain

✿ Buri Aadat

✿ Buri Aadat Ki Taqat Ka Andaza Tab Hota Hai Jab Inhain Chornay Ki Koshish Ki Jati Hai

✿ Amaal Baghir Ikhlaas Kay

✿ Amaal Baghir Ikhlaas Kay Aisay Hi Hain Jaisay Baghair Address Kay Likha Gya Khat Jo Keh Apni Matloba Manzil Tak Nahin Pohanch Sakta

✿ Faisla

✿ Zindagi Ki Muddat Bohat Kam Hai Aor Hamesha Ka Azaab Aor Rahat Ka Faisla Isi Main Karna Hai

✿ Zindagi Main Hijrat Zaror Karain

✿ Zindagi Main Hijrat Zaror Karain......
      Gunahon Say Naiki Ki Tarf Hijrat Karain
      Fasq Say Ishq Ki Tarf Hijrat Karain
      Susti ,Ghaflat Say Zikar Ki Tarf Hijrat Karain

✿ Mazboot Aadmi

✿ Aadmi Jab Tak Totay Nah Is Waqt Tak Isay Pata Nahin Chalta Keh Kitna Mazboot Hon

✿ Aankh Dil Ka Darwaza

✿ Aankh Dil Ka Darwaza Hai Is Ki Hifazat Karain Keh Tamam Aafaat Isi Darwazay Say Dakhil Hoti Hain

✿ Hifazat Karain

✿ Hifazat Karain   ...... Namaza Main Qalb Ki      Majlis Main Zuban Ki     Ghussa Main Dimagh Ki

✿ Alfaaz Aor Khyalaat

✿ Achay Alfaaz Aor Achay Khyalaat hi Khubsorati Takhleeq Kartay Hain,Jis Chehray Kay Sath Hum Paida Hotay Hain Woh Hmara Intekhaab nahin hota Magar Jis Chehray Kay Sath Hum Martay Hain Isay Tarashnay Kay Zimadar Hum Khud hotay Hain Woh Hamaray Lafzon ,Khyalon Aor Duaon Ka Aks Hta hai

✿ Shaitan ka Pehla Zarb

                

                ✿ Shaitan Sab Say Pehlay Insaan ki Sharm o Haya par Zarb lagata hai takeh Woh Bayhaya Ho kar Asaani Say Gunah kar Sakay.....!!

✿ Zindagi Aik Heera

✿ Zindagi Aik Heera hai Jisay Tarashna Insaan ka Kaam hai

✿ Mera Allah Mera Dost

✿ Mera Allah Mera Aisa Dost Hai keh Meri Choti Choti Achaiyon Par Khush Hota hai aor Sawab kay Dhair Laga Deta hai aor Mera Allah Mera Aisa Dost Hai keh Mai koi Ghalti kar Don.... Koi Gunah kar Don tu Sharmindgi kay Do Aansu kay Awaz Woh Mujhay Muaf Kar Deta hai 

Ab Dost tu Aisay Hi Hotay hain

✿ Ilm

✿ Ilm Aik Aisa Phool Hai Jitna Khilta Hai Itni Khushboo Deta Hai

✿ Raheem Zaat

✿ Kitni Raheem Hai Woh Zaat Keh Hum Din Bhar Gunah Kartay Hain Phir Bhi Woh Har Raat Main Mithi Neend Sulata Hai!!

✿ Asli Momin

✿ Woh Aadmi Jo Tanhai Ka Momin Hai Woh Asli Momin Hai

✿ Zahiri Khubsorti

✿ Bohat Say Log Dunya Mai Aisay Hain Jin Ki Achai aor Sachai Say Koi Sarokar Nahin Hota Woh Bas Zahri Khubsorti Kay Pichay Bhagtay Hain

✿ Moat Say Pehlay Tobah

✿ Aik Bohat Hi Borha Shakhs Hazrat Shafeeq Balkhi (r.a) ki Khidmat Mai Hazir Howa Aor Bola Hazrat Mai Nay Bohat Gunah Kiye Hain Tobah Karnay Aya Hon.Is Ki Baat Sun Kar Hazrat Shafeeq Balkhi (r.a) Bolay Bohat Dair Say Aay Ho. Jawab Mai Us Borhay Nay Kaha Nahin! Mai Jaldi Aya Hon Kyun keh Jo Shakhs Moat Say Pehlay Ajai Is kay Baray Mai Yahi Kehna Chayeh Keh Woh Jaldi Agya hai.Is Ka Jawab Sun Kar Hazrat Shafeeq Bolay Tum Nay Khoob Kaha aor Khoob Aaay.

✿ Tajarba

✿ Tajarba Woh Hai Jo Dosron Say Seekha Jai.Kyun keh Apna Tajarba Tu Hamesha Nuqsaan ki Qeemat Par Hasil Hota Hai.

✿ Khubsorat Aurat

✿ Us Aurat Say Koi Khubsoorat Nahin As Dunya Main Jo Sirf Aor Sirf Apnay Rab Ko Khush Karnay Kay Liye Pareda Karti Hai

✿ Khush Rehna Seekhain

✿Sabar, Shukar Aor Qanaat Aik Ainak Hai Agar Aap Yeh Ainak Laga Lain Tu Dunya Bari Khubsorat Nazar Aaiy Gi Aor Aap Hamesha Khush o Khurram rahain Gay

✿ Insaan ki Ghaltiyan

✿ Insaan ki Ghaltiyan Usay Woh Dars Deti Hain Jo Usay Ksi Bari Si Bari Darsgah Say Bhi Nahin Mil Sakten

✿ Khuwahishat

✿ Khuwahishat Ka Udham Macha Howa Hai .....

     Naseehat Ki Awaaz Kaisay Sunai Day...!!

✿ Shikast

✿ Shikast Shikast Fatah Main Takheer Hai Nakami Nahin

✿ Allah Ka Khazana

✿ Jab Tak Aap ko Yaqeen Nah H Jai Keh Allah ka Khazana Khtam Ho Gya Hai Tab Tak Apni Rozi Kay Liye Ghamgen Nah Hona!!

✿ Ahsas Ka Mar Jana

✿ Rishton Ka Nah Hona Itna Takleefdah Nahi Jitna Rishton Kay Hotay Howay Ahsas Ka Mar jana

✿ Maan woh Takhti hai ....

✿ Maan Woh Takhti Hai Jis Main Aulaad Kuch Bhi Likh Sakti Hai Magar MAAN Sirf Muhabbat Likhti Hai

✿ Pholon Say Bhara Tokra

✿ Aisa Bhi Hota Hai Keh Allah Hamain  Pholon Say Bhara Tokra Dena Chahta Hai Aor Hum Sirf Aik Phool Ki Zid Laga Kar Bethay Hotay Hain

✿ Zindagi ki Bari Ghalti Waqt zaya karna

✿ Jo Insaan Apna Waqt Zaya Karta Hai Woh Apni Zindagi Ki Sab Say Bari Ghalti Karta Hai

✿ Insaan ka Dhoka

✿ Insaan Yeh Samjh Kar Jhoot Bolta Hai Keh Kabhi Pakra Nahin Jai Ga Aor Yeh Yaqeen Rakh Kar Dhoka Deta Hai Keh Agla Bewaqoof Kabhi Is Ki Ayari Aor Makkari Ko Jaan Nahin Pai Ga Magar Khuda Ka Qanoon Bara Mukhtalif Hai Insaan Ko Wahan Akar Thokar Lagti Hai Jahan Isay Paar Pohanch Janay Ka Sab Say Ziyada Yaqeen Hota Hai

✿ Badi say Paak Dil

✿ Dil Aik Aisa Aina Hai Keh Agar Yeh Badi Say Paak Ho Tu Is Main Sab Kuch Nazar Asakta hai